Son xəbərlər
- SİMA-nın yeni Videozəng həlli istifadəyə verildi 26 İyl, 2024
- ABB debet kartlarını SİMA KYC ilə onlayn sifariş et! 10 İyl, 2024
- AZAL QSC informasiya sistemlərini tam şəkildə “Hökumət buludu”na köçürüb 08 İyl, 2024
- “AzInTelecom”un nümayəndələri jurnalistlərə təlim keçib 27 İyn, 2024
- AzInTelecom Beynəlxalq Sığorta Forumunda 21 İyn, 2024
ADA Universitetinin tələbələri Nəqliyyat, Rabitə və Yüksək Texnologiyalar Nazirliyi nəzdində fəaliyyət göstərən “AzInTelecom” MMC-də təcrübə proqramında iştirak edə biləcəklər.
Əməkdaşlığın əsas məqsədi universitet tələbələrinə peşəkar iş təcrübəsi qazandırmaq, Azərbaycanda informasiya texnologiyaları sahəsinə marağı yüksəltmək və tələbələri bu sahədə işlə təmin etməkdir.
Təcrübə proqramı sayəsində tələbələr müxtəlif şöbələrdə iş prosesi ilə yaxından tanış olmaq, karyeralarını ölkəmizin ən qabaqcıl İT və telekommunikasiya şirkətlərindən birində uğurla başlamaq imkanı əldə edəcəklər.
Hazırda müsahibələr keçirilir və artıq bəzi departamentlərə təcrübəçilər seçilib. Tələbələr şirkətin Kommersiya departamentində rəqəmsal marketinq, Sertifikatlaşdırma departamentində sertifikatların hazırlanması, Beynəlxalq trafikinin idarəedilməsi departamentində isə trafik analizi sahəsində özlərini sınaya biləcəklər.
Təcrübə proqramını ADA Universitetində tədris prosesinin başlanacağı zamanadək yekunlaşdırmaq planlaşdırılır. Tələbələr də şirkətin əməkdaşları kimi növbəli iş rejimində işləyəcəklər. Belə ki, həftənin müəyyən günlərini evdən, digər günlərini isə iş yerində çalışacaqlar. Proqramı fərqlənmə ilə bitirən tələbələr gələcəkdə “AzInTelecom”dan iş təklifi almaq imkanı qazanacaqlar.
Qeyd edək ki, “AzInTelecom” ADA Universiteti ilə əməkdaşlığa 2017-ci ildən başlayıb. Ötən müddətdə şirkət ali məktəbin İnformasiya texnologiyaları və mühəndislik fakültəsi tələbələrinin təhsilini dəstəkləmək məqsədilə Təqaüd Fondunun sponsoru qismində çıxış edib. Lütfi Zadə adına təqaüdə layiq görülən tələbələr bir semestr üzrə təhsil haqqından tamamilə azad olunurlar.