2022-ci ildə AzIntelecom tərəfindən yaradılan SİMA İmza tətbiqi hazırda 850 000-dən çox istifadəçi sayını ötüb.
1000-dən çox elektron xidmətə əlçatanlıqla yanaşı 80-dən çox portala giriş imkanı təmin edilir.

SİMA İmzanın 35-dən çox qurumla inteqrasiyası yekunlaşıb, 100-dən çox qurumla inteqrasiyalar davam etdirilir.
Vətəndaşlara ödənişsiz təqdim edilən SİMA imzanın mobil texnologiyaya əsaslanması məkan və vaxt məhdudiyyəti ilə əlaqədar olan xidmət mərkəzlərindən istifadə asılılığını aradan qaldırır. Bununla da, internetə çıxış imkanı istənilən yerdən hər bir vətəndaş və fərdi sahibkar elektron xidmətlərdən yararlana bilər.