Son xəbərlər
- “SİMA İmza”nın hüquqi şəxs həlli istifadəyə verilib 01 May, 2024
- İİTKM informasiya sistemlərini tam şəkildə “Hökumət buludu”na köçürüb 01 May, 2024
- “AzInTelecom” BMT-nin Qlobal Sazişinə qoşulub 01 May, 2024
- “Mobil notariat”a “SİMA İmza” ilə giriş imkanı yaradılıb 09 Apr, 2024
- AQTA informasiya sistemlərini tam olaraq “Hökumət buludu”na köçürüb 06 Apr, 2024
Rəqəmsal İnkişaf və Nəqliyyat Nazirliyinin tabeliyindəki AzInTelecom MMC-yə məxsus Mobil Cihazların Qeydiyyatı Sistemi (MCQS) 2013-cü ildə yaradılıb.
MCQS telekommunikasiya şəbəkəsində istifadə olunan mobil cihazların texniki identifikasiya göstəriciləri barədə məlumatların vahid baza sisteminə daxil edilməsi, saxlanılması və emalı üçün nəzərdə tutulmuş informasiya sistemidir.
2013-2023-cü illər ərzində Azərbaycanda 25 milyondan çox mobil cihaza aid IMEI kod qeydiyyata alınıb.
Qeyd edək ki, xaricdən gətirilən mobil cihazlar Azərbaycan telekommunikasiya şəbəkəsində istifadə olunması üçün 30 gün ərzində qeydiyyatdan keçirilməlidir.
“AzInTelecom” MMC tərəfindən mütəmadi olaraq monitorinq edilərək surətinin köçürülməsi şübhəsi olan IMEI kodlar üzrə ətraflı araşdırma aparılır. Nəticə bu günədək etibarilə surətinin köçürüldüyü aşkarlanan 16 mindən artıq IMEI koda “klon” statusu verilərək istifadəsi məhdudlaşdırılıb. Həmin IMEI kodlar üzərində 1,5 milyon nömrə şəbəkədə görünüb.
Vətəndaşlar istifadəsində olan mobil telefonların IMEI kodunun surətinin köçürülməsi statusunu yoxlamaq üçün telefonun ekranında *#06# yığaraq cihazın IMEI kodunu öyrənib, daha sonra Vahid Elektron Xidmətlər Portalında (rinn.portal.az) “IMEI yoxlama” xidmətindən ödənişsiz istifadə edə bilər.