Son xəbərlər
- Elm və Təhsil Nazirliyi ilə “AzInTelecom” MMC arasında Yevlax Əlçatanlıq Zonasında görüş keçirildi 09 Avq, 2022
- SİMA-nın növbəti tərəfdaşı “Kredit Evi” QSC oldu 08 Avq, 2022
- “AzİnTelecom” MMC və “Keyfiyyət Assosiasiyası” İctimai Birliyi arasında memorandum imzalanıb 03 Avq, 2022
- “AzInTelecom” MMC-nin yeni inşa etdiyi Data Mərkəzi “TİER III” infrastruktur sertifikatı aldı 01 Avq, 2022
- “AzInTelecom” MMC-nin Müştəri Xidmətləri yalnız “Şəbəkə” ofisində fəaliyyət göstərəcək 28 İyl, 2022
“AzInTelecom” MMC-nin “AZCLOUD ScaleUp” proqramı çərçivəsində Azərbaycan Dövlət Neft və Sənaye Universitetinin “EAZİ” Startap Mərkəzi ilə birgə startapçılarla görüş keçirilib. Görüşdə startapçılarla yanaşı, “EAZİ” Startap Mərkəzinin mentorları və universitetin tələbələri də iştirak ediblər.
Tədbirdə “AzInTelecom”un nümayəndəsi Nigar İbrahimova çıxış edərək “AZCLOUD ScaleUp” proqramı haqqında iştirakçılara geniş məlumat verib. Bildirilib ki, proqram startapçılara AZCLOUD bulud xidmətlərindən pulsuz istifadə imkanı verir. Həmçinin “Ağıllı ölkə”, “AgroTech”, “EdTech”, “GreenTech”, “MedTech”, “GameTech” və “E-commerce” istiqamətlərini əhatə edən proqram üzrə seçilən startapçılar 5000 AZN-dək AZCLOUD xidmətləri əldə edə bilir və eyni zamanda təlimlərdə iştirak etmək və PR dəstək imkanı qazanır.
Qeyd olunub ki, startap, eləcə də akselerasiya mərkəzləri ilə tərəfdaşlıq əsasında həyata keçirilən “AZCLOUD ScaleUp” proqramının məqsədi ölkədə startap ekosisteminin inkişaf etdirilməsi və inkubasiya mərhələsində olan uğurlu startaplara dəstək göstərməkdir.
Daha sonra “AzInTelecom”un Marketinq şöbəsinin müdiri Fərrux Fərəcullayev tərəfindən iştirakçılara “Proqram təminatı: 0-dan MVP”yə mövzusunda təlim keçirilib. Təlimdə AZCLOUD portalı üzərindən əyani nümunələr göstərilib.
Məlumat üçün bildirək ki, “AZCLOUD ScaleUp” proqramı çərçivəsində artıq 5 startap və akselerasiya mərkəzi ilə əməkdaşlıq edilir. Layihənin əhatə dairəsinin genişləndirilməsi üçün ölkəmizdə fəaliyyət göstərən digər startap və akselerasiya mərkəzləri ilə də əməkdaşlıq edilməsi planlaşdırılır.