Son xəbərlər
- ALİ TƏHSİL ALMADAN İT ÜZRƏ BEYNƏLXALQ SERTİFİKAT ALAN İKİ GƏNCİN HEKAYƏSİ 13 May, 2022
- “AzInTelecom” Müştəri Xidmətlərinin SİMA Token ilə bağlı imkanlarını genişləndirdi 18 Apr, 2022
- Bakı və Sumqayıt məktəbliləri üçün “AzInTelecom”da infotur təşkil olunub 14 Apr, 2022
- Yeni nəsil rəqəmsal imza olan SİMA-nın ilk tərəfdaşı “PAŞA Bank” oldu 12 Apr, 2022
- AzInTelecom-un layiq görüldüyü “WSIS Prizes-2021” beynəlxalq mükafatı təqdim edildi 08 Apr, 2022
Dekabrın 7-də “Bakutel 2017” sərgisi çərçivəsində Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən “AzInTelecom” ilə “Microsoft Azərbaycan” arasında Anlaşma Memorandumu imzalanıb.
Tərəflər arasında əldə olunan razılığa əsasən, “AzInTelecom”un Data Mərkəzinin texniki imkanları vasitəsilə müasir, son texnologiyalara əsaslanan İKT həllərinin tətbiqinə dair birgə əməkdaşlıq ediləcək.
2016-cı ilin dekabr ayında istismara verilən “AzInTelecom”un Data Mərkəzi Azərbaycan və Cənubi Qafqaz regionunda TIER III, ISO 20000 və ISO 27001 sertifikatlarına malik ilk Data Mərkəzidir. Data Mərkəzin texniki imkanları vasitəsilə “bulud” əsaslı infrastruktur həlləri təqdim edən “AzInTelecom”un bu sahədə çoxillik beynəlxalq təcrübəyə malik olan “Microsoft” şirkəti ilə əməkdaşlığa başlaması ölkə və region miqyasında çox mütərəqqi hadisədir.
Belə ki, şirkətlərin ümumi məramı ən son data texnologiyaları və xidmətləri üzrə müvafiq məlumatların müasirləşdirilməsi və IT infrastrukturunun qiymətləndirilməsi üçün informasiya təminatından, eləcə də bu sahə üzrə qarşılıqlı əməkdaşlıq perspektivlərinin dəyərləndirilməsindən ibarətdir.
Bundan əlavə, “AzInTelecom”la qarşılıqlı əməkdaşlıq şəraitində hökumət və kommersiya qurumları “Microsoft”un lisenziyalaşdırma proqramı və həlləri ilə daha təhlükəsiz şəkildə təmin olunacaq.
Potensial əməkdaşlıq çərçivəsində “AzInTelecom”da rəqəmsal texnologiyalardan istifadənin gələcəkdə daha da genişləndirilməsi və yeni İKT həllərinin tətbiqi məqsədilə birgə İşçi Qrupunun yaradılması da nəzərdə tutulub.